منو
ساچین زنجیرینه کؤنول باغلادیم
ساچین زنجیرینه کؤنول باغلادیم،
مجنون کیمی دۆشدوم داغا، فاطمه!
نئچون منی گؤرجک سرخوش اؤتورسن،
بیر باخمازسان سولا-ساغا، فاطمه!
اؤزون پری، خۆلق و خویون فریشته،
هاردا اولسان اورا دؤنر بهیشته،
سن گرکدیر گۆنده چؽخاسان گشته،
گۆل دۆزه‌سن گۆل بوخاغا، فاطمه!
هاچاناجان جانیم اودلارا یاخیم،
هر طرفه داشقین سئللر تک آخیم.
چوخ مۆشتاقم آچ اۆزونو، قوی باخیم
عنبر زۆلفه، گۆل یاناغا، فاطمه!
لایق دئییل سنه ناکس و بی‌غم،
آدام گرک اولا آداما همدم.
جانیم چؽخار سنی گؤرمه‌سم بیر دم،
گئتمه مندن سن اوزاغا، فاطمه!
واقیف سنی سئودی خوبلار ایچینده،
بیر تزه قؤنچه‌سن گۆلزار ایچینده،
سؤز دانیشماق اولماز اغیار ایچینده،
گل چکیلک بیر قؽراغا، فاطمه!
مجنون کیمی دۆشدوم داغا، فاطمه!
نئچون منی گؤرجک سرخوش اؤتورسن،
بیر باخمازسان سولا-ساغا، فاطمه!
اؤزون پری، خۆلق و خویون فریشته،
هاردا اولسان اورا دؤنر بهیشته،
سن گرکدیر گۆنده چؽخاسان گشته،
گۆل دۆزه‌سن گۆل بوخاغا، فاطمه!
هاچاناجان جانیم اودلارا یاخیم،
هر طرفه داشقین سئللر تک آخیم.
چوخ مۆشتاقم آچ اۆزونو، قوی باخیم
عنبر زۆلفه، گۆل یاناغا، فاطمه!
لایق دئییل سنه ناکس و بی‌غم،
آدام گرک اولا آداما همدم.
جانیم چؽخار سنی گؤرمه‌سم بیر دم،
گئتمه مندن سن اوزاغا، فاطمه!
واقیف سنی سئودی خوبلار ایچینده،
بیر تزه قؤنچه‌سن گۆلزار ایچینده،
سؤز دانیشماق اولماز اغیار ایچینده،
گل چکیلک بیر قؽراغا، فاطمه!