منیم بو گؤز یاشلاریم...

بو ایدی‌می سون نیّتین
اویناما گل وۆقاریملا.
آخیب گئدر محبّتین
منیم بو گؤز یاشلاریملا.

گۆل یاناقلار سارالاجاق،
آخیب سولار دورولاجاق.
بیر عۆمّان دا یاراناجاق
منیم بو گؤز یاشلاریمدان.

یوللار باغلی، گلممزسن،
بو دردی سن بؤلممزسن،
ایسته‌سن ده سیلممزسن
منیم بو گؤز یاشلاریمی.

کؤنول یورغون، یوللار چتین،
نه‌لر ائتدی قباحتین؟
دیمز سنین محبّتین
منیم بو گؤز یاشلاریما...