نلر، نلر یادا دۆشدو،
خاطرهلر اودا دۆشدو.
او گۆنلردن قلبیمیزه
قورخولو بیر صدا دۆشدو،
گؤرمییدیم کاش کی سنی.
باهار گلدی قؽش ائوینه،
بو کؤچری قوش ائوینه.
او واخت ناشی بنّا کیمی
یادداشیمین داش ائوینه
هؤرمییدیم کاش کی سنی.
کۆله دؤنموش اود-اوجاقسان،
بلکه بئله قالاجاقسان.
اوندا اوشاق دئییلدیم کی،
بیلیردیم کی سولاجاقسان،
درمییدیم کاش کی سنی.
هیجران گلدی سینه-سینه،
گۆنلر اؤتدو سنه-سنه.
بیر گۆلداندا ساخلایایدیم،
اؤز الیمله اؤزگهسینه
وئرمییدیم کاش کی سنی...