اؤلومه طرف

گئدیریک دئیه-گۆله،
گئدیریک اؤلومگیله.
گئدر-گلمز یول‌دو بو،
کیم قاییدا، کیم گله؟!
اؤلوم، قارشیلا منی.

پیادا صبریمیز یوخ،
ماشین قضاسی نه چوخ...
حیات اۆزوک ایچین‌ده، -
هانسی طرفه قاچاق؛
اؤلوم، قارشیلا منی.

عؤمور – صینیف دفتری،
سای‌لی‌دیر واراقلاری.
الیمیز یئتمز اونا،
تزه‌دن یازاق باری؛
اؤلوم، قارشیلا منی.

هله تئزدیر، ایگیدیم،
نییم وار، نه اۆیودوم.
ایکی کؤرپم گؤزلییر،
مهلت وئر قوی بؤیودوم،
گلیم، قارشیلا منی...