اولار کیم، اول طبیبین حیکمتین دن غافل اولموشلار

نولا کی، فرق اولا نامردلرین مرد-دونیاده،
اگرچی بللی دیر هر مرد و هر نامرد دونیاده.
ائله ردیم نیک وبد فرقین، بیلردیم یاخشیلار قدرین،
فغان کیم، آچمادیم گؤز بیر نفس نامرد دونیاده.
ایچرلر خلق عالم ساغر زرین ایله صهبا،
منه قالمیشمی اشک سرخ و رنگ زرد دونیاده.
بئتردیر تیغ لردن بی آبیرولر صورتین گؤرمک –
کی، اولسا طعمۀ شمشیر هر نامرد دونیاده.
جاهاندا بوی درد و داغ هیچ بیر کیمسه دن گلمز،
اونونچون گون گؤررلر مردوم بیدرد دونیاده.
اولار کیم، اول طبیبین حیکمتین دن غافل اولموشلار،
نه بیلسین لر کی، عینی عافیت دیر درد دونیاده.
نئجه من بیلمنم قؤوسی بو ویران اولموشون قدرین –
کی، اؤز کؤنلومدن اؤزگه بولمادیم همدرد دونیاده.