ناله دن خالی قیلیر گاهی سپند اؤز کؤنلونو

تشنۀ گولزار داغ لاله زارم، آه، آه،
تختۀ مشق جنون نوباهارم، آه، آه.
سئیل ویران ائیله ین ائو قابل تعمیردیر،
نئیلییم من کی، خراب روزیگارم آه، آه.
قدرتیم یوخ چرخ ائویندن باشیم آلیب چیخماغا،
بیر اوزو باغلی، گؤزو باغلی شیکارم، آه، آه.
ائیله کیم، سئیلاب اؤنونده خار و خس پامال اولور،
پایمال گیرۀ بی اختیارم، آه، آه.
صیده گر یوز یئرده زنجیر اولسا، مومکون دور خلاص،
من گرفتار کمند زولف یارم آه، آه.
ناله دن خالی قیلیر گاهی سپند اؤز کؤنلونو،
آه کیم، من بیزبانم، بیقرارم آه، آه.
حیف قؤوسی، چرخ صوبح پیچ و تابم حیف، حیف،
آه نئیلیم، شمع شام انتظارم، آه، آه.