اسیر عشق اولانا دایم اودلو داغ گرک،
صباحه تک گئجه‌لر خسته یه چیراغ گرک.
منیمله تانری اوچون سؤزده اختصار ائت کیم،
اوزون فسانه یه، واعظ، دیل و دماغ گرک.
گرک جاهاندا همین یار و کؤی یار منه،
نچون کی، بولبوله گول، باغبانه باغ گرک.
نوای ناله یولون مندن اؤیرنیر بولبول،
ولیک گول کیمی اول غنچه لب قولاغ گرک.
فغان کی، تئز یئتیر انجامه دوستلار، شب وصل،
رفیق، چوخ کی، شفیق اولدو، یول ایراغ گرک.
یئتر تغافول ائدیب بؤیله سرگران ائتمک،
الین تصدّقو ساقی منه ایاغ گرک.
اَرینمه یینجه کؤنول بی فروغ دیر منی،
سؤز ایله وئرمز ایشیق، شمع بزمه یاغ گرک.
خیالیله گئجه‌لر پیچ و تابی سن، قؤوسی،
گؤز آچیق اولدو نه حاصل، کؤنول اویاغ گرک.