من بو باطل خواب بی حاصل خیالی نئیله رم؟

عاشیقم من، دؤولت و مال و منالی نئیلرم،
برگ و بردن یومموشام گؤز، شاخ و بالی نئیله رم؟
یئی گلیر بیر غنچۀ مستور یوز گولدن منه،
یار صاحب-دیل گرک، صاحب-جمالی نئیله رم؟
هاندا اولسام بوی گول تک روضۀ کویینده یم،
نام و پیغام اوچون باد شمالی نئیله رم؟
سبزه‌لر اوستونده شبنمدن دولوبدور گؤزلریم،
حوسن منی ایسترم، من خط و خالی نئیلرم.
ایسترم وصلین کی، یارین آشینا اولماز منه،
گر خیالین رام اولا، بزم وصالی نئیله رم؟
سن نفس چاغ ائیله، ای نئی، گر اوساندین ناله دن،
من هوای کوی عشقم، اعتدالی نئیله رم؟
گر وئریرسن دؤولت دیدار جانان وار فلک،
یوخسا من مهمان فقرم مولک و مالی نئیله رم؟
تار و پودی عالمین افسانه و نیرنگ ایمیش،
من بو باطل خواب بی حاصل خیالی نئیله رم؟
لذت دیداردن قؤوسی منه حیرت یئتر،
الده تا آیینه وار آب زولالی نئیله رم؟