مست معذوردور اصحاب خرد یانیندا

یئرلی یئردن سیز ای ارباب طرب، واری دورون،
اله سازنیزی آلین، چرخ قولاغینی بورون.
ای سهی سرو لر، اول مردوم چشمیم گلسه،
ییغیلین بیر یئره مژگان کیمی قوللوقدا دورون.
سر کویین دن اؤتن یئرده، ای احباب اونون –
دیل بیماریمین احوالینی زینهار سورون!
یئتمز ارباب هوا بیر یئره ای اهل هوس،
اول قدرلر یوگورون هرزه کی، آتنیزی یورون!
رندلر، زاهد شیاد گلیر دیو کیمی،
شیشه ایله مئی گولرنگی پری تک یاشیرون!
ستم خاری دن اندیشه چکن بولبول لر،
کیم دئمیشدی سیزه اول نوگول بیخاری گؤرون؟
مست معذوردور اصحاب خرد یانیندا،
خوبلار، قؤوسی بیتاب گوناهین اؤتورون!