نیگارخانۀ چین اولدو گؤزلریم، قؤوسی

خوش آب و تابیلی دیر ابر نوبهار بو ایل،
اومید کیم اولا کامیمجا روزگار بو ایل.
بو آبیروی کی، گولشنده وار غریبه دئگیل،
گر اولسا نوگول بیخار نوک خار بو ایل.
دوچار اولور منه، من هم اونا دوچار اولورام،
اول آهو گؤزلویه کیم اولموشام دوچار بو ایل.
گؤزومده مسکن ائدر حاله ایچره ماه کیمی،
منه گؤزوم ایشیغی وئرمز انتظار بو ایل.
اگرچی بیر نئچه گون خار زحمتین چکدین،
ولی یئی* اولدو گونون-گوندن ای هزار، بو ایل.
کمند ناله ایله شیری لر اسیریم ایکن،
منی بیر آهوی چین ائیله‌دی شیکار بو ایل.
گؤزوم چیراغی، گؤزوم وار کیم، وصاله یئته،
نه آرزو کی، منیم گؤزلریمده وار بو ایل.
آیاغ باشه چکیب باش آیاغینا قویارام،
گؤزون سبو کشییم، چکمنم خومار بو ایل.
نیگارخانۀ چین اولدو گؤزلریم، قؤوسی،
بو آب و رنگیله کیم، گلدی نوباهار بو ایل.
———————–
*یئی: یاخشی.