ال-آیاق چوخ چالما، تسلیم اول، اؤزون اینجیتمه کیم

باغ جنّتدن اگر گؤز یومسا آدم، غم دئگیل،
روضۀ کویین سنین ترک ائیله ین آدم دئگیل.
ای دولانیم باشینا، بیلسم کی، سن غمخوارسان،
یوز غم و محنت گریبانیم توتارسا، غم دئگیل.
عشق دردین، بولهوس یانیندا اظهار ائتمه کیم،
هر اؤزون بیلمز بو گنجین سرّینه محرم دئگیل.
شبنمی ای چشمۀ خورشید، گؤزدن قویما کیم،
آز دوشر صاحب نظر، هرچند عاشیق کم دئگیل.
تشنه چشمم من، مگر کؤنلوم منی سیراب ائده،
یوخسا دریالار حریف دیدۀ پورنم دئگیل.
حاتم اولدور کیم، گوناهین دان کئچر بیر مجریمین،
عالمین مال و منالین دان کئچن حاتم دئگیل.
ال-آیاق چوخ چالما، تسلیم اول، اؤزون اینجیتمه کیم،
بؤیله مؤهلیک زخم، قؤوسی، قابل مرهم دئگیل.