منو
میرزا محمد علی صائب تبریزی
صفویّه دؤورونون ان آدلیم شاعیری، میرزا محمّد علی صائب تبریزی ۱۰۰۰-جی هیجری ایلده تبریز شهرینده آنادان اوْلوبدور. اوْ تۆرکجه و فارس دیلینده یازیب-یارادان آذربایجان و ایران کلاسیک ادبیاتی‌نین ان تانینمیش شاعیرلریندندیر. صائب، دؤورونون فیکری آخینلارینا بلد اوْلموش، یارادیجیلیغیندا بشری ایدئیالاری عکس ائتدیرمیشدیر. اوْ، دایم اینسانلار ایله اۆنسیّتده اوْلدوغو اۆچون هم اوْنلارین چتینلیکلری، هم ده ایجتماعی مسئله‌لر ایله یاخیندان تانیش ایدی. صائبین شعرلری پوْزیتیو انرژی ایله دوْلودور و عۇمومیّتله خالقین باشا دۆشه بیله‌جگی دیلده یازیلیب.