جمالی نقشینی سینه مده ثبت ائدیب، سیّد

تصور ائیله‌مه کیم، مست ائدیبدی باده منی،
گؤزوندو مست قیلان بعددن زیاده منی.
او تار توره‌لرین ایله بوینوما زنجیر،
جنونا وار هوسیم، قویما بی قلاده منی.
امید وار کی، توتام بیر طرفده دامنینی،
سوورسالار کول ائدیب فرقتینده باده منی.
منم کی، عالم آرا شهسوار عزت ایدیم،
بو عرصه گاه دا مات ائتدی بیر پیاده منی.
یاوقدو کیم، بو فرح دن اؤلم، ائشیتدیم چون
شهید قیلماغا یارایله‌ییب اراده منی.
مرادیم اول مه الینده شهید اولماق دیر،
نولور یئتیرسه فلک رحم ائدیب مراده منی.
جمالی نقشینی سینه مده ثبت ائدیب، سیّد،
سالیبدی رنگه بو گون اول نگار ساده منی.