تغافول ایله بو گون اؤتدو یار سیّددن

جفا اوخونو آتیر غیره اول یگانه، هارای!
خدنگ غمزه سینه اولمادیم نشانه، هارای!
اگر کی، گولده وفا گؤرسه ایدی بولبول زار،
بو قدر سوز ایله ائتمزدی یانه یانه هارای.
گؤره هاراییمی شاید او شه، سورا حالیم،
هاراییمی اؤزومه ائیلرم بهانه، هارای!
تنیم حلال کیمی گون به گون ضعیف اولدو،
یئتیشمه‌دی الیم اول ماه دلستانه، هارای!
هانی او قاشی کمانیم کی، یئتسین امداده،
رقیب قویدو اوخون چلّۀ کامانه، هارای!
مریض دیدۀ یارم هانی او عیسی دم،
اوجالدی ناله و فریادیم آسمانه، هارای!
کؤنول بیناسینی ییخدی سرشک چشم تریم،
غمینده سیل فنایه گئدیر بو خانه، هارای!
پیعددشتده اول شاه دن جدا دوشدوم،
یئتیر بو بی کسی، ای خیضر، کاروانه، هارای!
خیال زلفو روخ اول پریله لیل و ناهار،
جنون تکی منه عادت اولوب فسانه، هارای!
تغافول ایله بو گون اؤتدو یار سیّددن،
یقین رقیب سالیب یاری بد گمانه، هارای!