اولموش کیمه مقدور دئدیم وصل میانی

ای دل، گئنه اول شبعده گر یادیما دوشدو،
پیرانه سر اول ساده پسر یادیما دوشدو.
گؤردوم گولو، اولدو اوزونه حسرتیم افزون،
باخدیم آیا اول رشک قمر یادیما دوشدو.
حیرتده ایدیم بونجا ندیر گؤزدن آخان قان،
اول قانه دؤنم خسته جگر یادیما دوشدو.
وصلینده کئچن گون لری کیم، گلدی خیاله،
داخی دئیه بیلمم کی، نلر یادیما دوشدو.
کیم گئتدی، دئدیم، نکهت زلفون منه یارین،
ناگه او زامان باد سحر یادیما دوشدو.
بیر کیمسه دئدیم وارمی کی، رخساروی اؤپسون،
آری، او قارا زلفون اؤپر، یادیما دوشدو.
اولموش کیمه مقدور دئدیم وصل میانی،
سیّد، گلیبن فکر کمر یادیما دوشدو.