سیّدا، هر کیمسنه بیر مطلب ایستر دهردن

گیزلدیردیم بیر زامان بو چشم روشندن سنی،
گیزله دیر ایندی، نگاریم، غیری لر مندن سنی.
قوی خدنگ محنتین روزن لر آچسین سینه دن،
دیل گؤره، ای ماهروخ، شاید بو روزندن سنی.
بو قد و رخسارایله سئیر گولوستان ایله سن،
فرق قیلماز باغبان، ای سرو، گولشندن سنی.
گرچی، نوح افلاک کجرو سخت دیر، ای تیر آه،
قورخما، پران ائیلرم سوز ایله جوشندن سنی.
سن دعا ایله یئتیم، ای جان، بو گون جانانیما،
هیچ غم چکمه قوتارام محبس تندن سنی.
من هارا، هنگامئه وصلین هارا، ای شمع حسن،
اود توتوب پروانه تک یاننام گؤرم گئندن سنی.
سیّدا، هر کیمسنه بیر مطلب ایستر دهردن،
مطلبیم یوخ غیردن، من ایسترم سندن سنی.