نه حدی بیر عهد اولسون سنه حسن ایله اوخشاری،
یاراتمیش دیر سنی اؤز صورتینده حضرت باری.
اگرچی سن بت چین و ختا سن، ای صنم، امّا
سنی ذکر ائتمه ین کس، ائتمهییب توحیده اقراری.
آدین قربانی، تا یئتدیم سنه، توحیده یئتدیم من،
آتیب تسبیحی الدن، ترک قیلدیم تار زنّاری.
خدانین “قل هو الله احد”دن* مطلبی سنسن،
سنین توحیدوه امرایلهییب اخلاصده تاری.
شمیم عطر زلف مشکبارین اشتیاقیندان
آتیب دیر تبله دن عطار دیشرا مشک تاتاری.
سوروشدوم آدوی، ای سرو قامت، بیلمهدی زاهد،
مشخص اولدو کیم، یوخدور اونون توحیده اقراری.
تجّلای خداوندی عهد یاریندا پیدا دیر،
هانی موسی کی، سیّد، فرق قیلسین نوردن ناری.
———————————————————-
* دئ الله تک دیر