بیکار تاپیلماز

دنیاده جفا سیز بیزه بیر یار تاپیلماز،
دیلدار تاپیلماز.
مشهور مثل دیر: گول بی خار تاپیلماز،
گولزار تاپیلماز.
سونبول نچیدیر کیم، اولا اول زلفه برابر،
ای لالۀ احمر،
زلفون کیمی بیر نافۀ تاتار تاپیلماز،
بیر تار تاپیلماز.
قددین کیمی وار باغده چوخ سرو سنوبر،
شمشاد ایله عر- عر،
اونلاردا ولی سن دکی رفتار تاپیلماز،
اطوار تاپیلماز.
بو رنج خومارائیله‌دی دل خون منی، ساقی،
یوخمو مئی باقی،
جامیندا مگر بادۀ گولنار تاپیلماز،
آثار تاپیلماز.
بیز گوهر پرقیمت گنجینۀ جانیق،
بیر گنج نهانیق.
قالدیق، بیزه دنیاده خریدار تاپیلماز،
بازار تاپیلماز.
اسرار خدادن دل و جانیمدی لبالب،
دیوان مرتب،
شرح ائتمگه بیر محرم اسرار تاپیلماز،
دیّار تاپیلماز.
سودای غم زلفده آرتیردی فغانین،
ترک ائیله‌دی جانین،
سیّد کیمی بیر شاعر بی عار تاپیلماز،
بیکار تاپیلماز.