یوخ تنده توانه

“بیت الصفایه”
شیروانه سنی ائیلرم، ای نامه، روانه،
دؤن آب روانه.
چک شعله، توتوب بزم احیباده زبانه،
گلدیکده زبانه.
اول مجلسه کیم، روح الامین آلماسا روسخت،
یوخ گیرمه یه فرصت.
تورپاغه دوشوب عجزله اوز قوی او مکانه،
تاپ آنه بهانه.
زوی نین آیاغیندان اؤپوب کسب ضیا قیل،
اظهار سنا قیل.
احوالیمی چک بیخوده رمز ایله بیانه،
شرح ایله افسانه.
اول وقت کی، حالیم ائله دین غافله اظهار،
بیر گیزلی سؤزوم وار؛
احبابدا محرم اودو بو سرّ نهانه،
کشف ائتمیشم آنه.
اول کاکیل مشکینه ائله عرض و سلامیم،
چک عجز ایله نامیم.
سربسته دئیم، یعنی فیلان ابن فیلانه،
اول جان جاهانه.
اول قاشی کمان، کیپریگی اوخ یاریمی گؤرسن،
دیلداریمی گؤرسن،
تقریبله سؤز آچ، منی اول قاشی کمانه
وئر بؤیله نشانه:
کیم، سن بت لیلایه گرفتار اولان عاشیق،
بیمار اولان عاشیق،
مجنونه دؤنوب، عالم آرا اولدو فسانه،
مغلوب زمانه.
شمعه دولانیر یاد ائدیب اول عارض آلی؛
پاروانه مثالی.
ایستر سنی، هر لحظه، گزر خانه به خانه،
ای دور یگانه.
ای دوست لر، اول شوخ ایله ایچدیکده شرابی،
جام مئی نابی،
بیر یاده سالیرسیز من آواره نی، یا نه؟
قالدیم یانا یانه.
سیز راحت ایله لذت ائدین بیت صفاده،
سیّد بو بلاده.
دؤندو جگریم فرقتینیزدن دخی قانه،
یوخ تنده توانه.