میر عبدل غنی آغایا

میر عبدل غنی آغایا

مبارک عید خرم، فصل خوش، وقت تماشا دیر،
مزیّن اولدو عالم کیم، باهار عالم آرا دیر.
قیلیر اموات گولزاری نسیم صبحدم احیا،
قیامت دیر چمن لرده، مگر کیم، حشر کبرا دیر؟
مسلسل اولدو سونبول لر، آچیلدی لاله لر، گول لر،
قیلیرلار نغمه بولبول لر، چمن بزمینده غوغا دیر.
بنفشه خط یار آسا چمن لرده اولور پیدا،
چو زلف شاهد رعنا یئنه سونبول مطرا دیر.
گولوستانه چکیب جدول خط ریحان ایله دوران،
بو یا ارژنگ مانی، یا کتاب زند دانا دیر.
تجّلا قیلدی گول ناری کی، یاخدی بولبول زاری،
گؤرن لر صحن گولزاری دئیر کیم، تور سینا دیر.
گولو گهواره ایچره ترپه دیر باد صبا گاهی،
سانیرسان کی، بو مریم دیر، او مهد ایچره بیر عیسیدیر.
سالیب نیلوفر نینینی آبه مادر گیتی،
دئییرسن کیم، بو “یوخاوی” دور، اول طفل موسی دیر.
پر بولبول ندیر وجهی کی، یانماز آتش دلدن،
بو ابراهیم دیر گویا اونا، اول قوم اعدا دیر.
کتاب حکمتی شرح ائیله یر گولزار آرا بولبول،
مگر کیم، بولبول خوش لهجه اول “اقتای لوقا” دیر؟
صفای کعبه تک آرتدی صفاسی باغ و بوستانین،
بسان چاه زمزم ابر تاری باغه سقّا دیر.
حرم شوقیله صف لر باغلاییب گؤی اوزره دورنالر،
جاهان لبیک صوتوندن دولوبدور، شور برپا دیر.
اگرچی کوه‌لر گئیمیشدی آغ احرام لر قیشدا،
اولوب اعمال دن فارغ، بو هم بیر فیض عظما دیر.
چیخیب دیر پیشوازه گول دن اؤترو سونبول و سوسن،
مگر گول زاییر بیت خدای حی و دانا دیر؟
مگر حج دن گلیر گول، پیشواز ائیلر اونو بولبول؟
منه بیر امردیر مشکل، بو نه رمزه و نه ایما دیر؟
مگر شهره اولور واصل بو گون اول عالیم و کامل،
فنی و اعظم و فاضل کی، علم و حلمه دریا دیر.
محمدزادۀ حیدرنسب، سیبت-
ابولقاسم، گوزیئعن نسل یاسین، بهترین آل طاها دیر.
صفای حیدر و صفدر، حیای پاک پیغمبر،
جمال باکمال دلگوشاسیندان هویدا دیر.
او شاهین پوری دیر کیم، باعث ایجاد عالم دیر،
او ماهین نوریدیر کیم، وارث انحار و توبا دیر.
او کس دیر کیم، اونون جدی قیلیب دیر سئیر افلاکی،
نبی و هاشیمی و شاه عقبا، ماه بطحا دیر.
شب اسراده گلدی مسجید اقصی یه اول مولا،
بو سؤزدن، ای سخنور، شاهدیم معراب اقصی دیر.
فنی نامیندا واقع دیر اونون نام همایونی،
فینای طبع پاکوه بلی مشهور دنیا دیر.
فنی اول کس دئییل دیر کیم، چوخ اولسون دولت و مالی،
فنی اول کسدو کیم، قانع دو، بو ذات معللا دیر.
بحمدالله کی، بو عبد غنی دیر، هم اؤزو قانع،
قناعت قافی نین سیمرغودور، بیر مرغ عنقا دیر.
گرامی قارداشیدیر مجتهد کی، بو جاهان ایچره
زبان شیعه و سنّی اونون مدحینده گویا دیر.
حسن نام و حسن خلق و حسین و مرتضی صولت
کی، نور احمد مرسل اونون وجهینده پیدا دیر.
مگر کیم، برج واحدده طلوع ائتمیش ایکی کوکب،
بیری گویا عطارید دیر، بیری گویا کی، شیرا دیر.
بولاردیر شخص روحانی، بولاردیر مصطفی جانی،
بولاردیر بدر صبحانی، سلیل ماه بطحا دیر!
بولاردیر نسل طاها، حاصل مضمون ظل القبرا،
جاهان بیر لفظ تک پیدا، بولار اول لفظه معنا دیر!
نه غم بدخواهی اولسا بیر نئچه ناکس بو مولانین،
دوشرمی رتبه سیندن کیمسه کی، نسلیله مولا دیر؟
نه نقصان شاه بطحایه ابوجهلین مخافیندان،
کمال شمس وحدت کیم، اونون وصفینده گویا دیر.
هزاران شوکر کیم، گلدی یئنه اول عالیم و کامل
کی، فیض مقدمیندن شهر شیروان جنّت آسا دیر.
بو ایل گئتمیشدی “بیت الله”آ بیر شخص کریم ایله
کی، بیر اهل کرم دیر اشرف هر پیر و برنا دیر.
خلیل خوللت افزا بیتینی ائتدی طواف اول کیم،
سیمایل نسب دیر، خولقی رشک مشک سارا دیر.
ایلاهی، باقی اولسون عز و جاهی، شوکت و شأنی –
کی، ذاتاً باعث تزویج شرع پاک غرا دیر!
حسین کربلا حقینه، یارب، رحم لرائیله،
حسین و هم رحیمه لطف لر کیم، ذات والا دیر!
باغیشلا سن امام جعفره هم جعفری، یارب،
بو اولاده عطا قیل تا کی، عرش و فرش برپا دیر!
ائدرلر احترام و لطف لر اولاد زهرایه،
بولاردان شادخاطر مصطفی و روح زهرا دیر.
اگرچی دهرده چوخ کیمسه‌لر سیاح اولوب، امّا
سیاحت عالیم ایله ائیله مک بیر فیض عظما دیر.
اونون افزون قیلسین اجرینی، هم سعی نی مشکور،
بریدیر ریب و نقصاندان کی، بیر اهل تولی دیر.
الا یا ای یگانه مجتهد کیم، بولبول طبعیم
هوای وصف گولزار کمالاتیندا شیدا دیر.
کئچن ایل عید نوروز ایدی، گؤردوم لطف و احسانین،
بیر ایلدیر ایندی ذوق و خاطر زاریمدا پیدا دیر.
یئنه واردیر امیدیم کیم، بو ایل، ای مرشد کامل،
گؤروم الطاف و احسانین کی، خاطر پرتمنا دیر.
دعالرائیله، سیّد، اول امین حضرت حقه
کیم، اولدور صاحب خلق حسن اسم مسما دیر.
همیشه تا کی بولبول شاد اولور گولزار فصلینده،
همارا رشک دن کیم، زاغ ایله اول خار برپا دیر.
اولا احبابووز دلشاد، درد و غصه دن آزاد،
نه نفرین ائیله ییم بدخواهه کی، پیوسته رسوا دیر.
ذکامی وار جول کیم، بوی گول دن ائیله یر نفرت،
او یوزدن ایستمز خورشیدی کیم، خفاش اما دیر.