لطیفه

لطیفه

قاراباغ لی طالیب خان، ناغیل ائدیرلر کی، بیر گون شکارا گئتمیشدی. بیر قیرقوول توتموشدو. آخشام ملازم لرینه دئدی کی، سیز بو قیرقوولو بخاریدا شیشه چکیب بیشیرین، من یورولموشام، بیر قدر یاتیم، دوروب یئیه جه یم.
طالیب خان یاتدی. نوکرلر قیرقوولو بیشیردی لر، اؤزلری یئدی لر. شیشی بوش بخاری نین یانینا سؤیکه‌دی لر. ایک اوچ ساعت دان سونرا طالیب خان خواب غفلتدن بیدار اولدی، دئدی کی، گتیرین قیرقوولومو.
نوکرلر هامی شهادت وئردی لر کی، آغا، سن قیرقوولو یئدین، یاتدین. طالیب خان دئدی کی، دوغرودور؛ چونکی جیریم چوخ یانیر، معلوم کی، یئمیشم، یاتمیشام. بس بیر قدر سو وئرین. سویو ایچدی، یئنه یاتدی.