بالاجا قاریشقا و تپه

بالاجا قاریشقا و تپه

حکمای هند اؤز کتابلاریندا مرقوم ائدیب لر کی، بیر مورچه بیر تللین تورپاغینی بیر سایر یئره نقل ائتمه یه کمر همت باغلامیشدی. بیر قوش گؤردو کی، بیر ضعیف اولان شئی سرور تمام و وجد مالاکلام ایله دست و پا چالیب بیر تللین تورپاغینی داشیماغا سعی و تلاش قیلیر. دئدی کی، ضعیف و نحیف عجیبه اولان، امر محاله مرتکب اولموسان. بو نه ایشدیر کی، مباشر اولورسان؟
مورچه دیله گلیب دئدی کی، منیم بیر نفر معشوقه م وار، او منه دئییب دیر کی، اگر منیم وصالیما طالب سن و دولت دیداریما راغب سن، گرک دیر کی، بو تللین ترابینی فلان یئره نقل ائده سن. ایندی من سعی ائدیرم شرطی عمله گتیرم.
قوش اونا دئدی کی، ای بیچاره، بو آرزو کی، سنین کؤنلونده دیر، قدرتیندن چوخ بعید دیر. قولوندا او تاوانا یوخدور کی، گمانین عمله گله. مورچه امیدینی ایتیرمه دی. دئدی کی، من اؤز سعی یمی ائلرم، اگر مرادیم حاصل اولماسا دا، دوست حضوروندا عذروم قبول دور.
بس هر ایشده سعی ائله مک لازم دیر.