دون گئجه تنگه گلیب یارایله گفتار ائتدیم

تا کی صید ائتدی منی، رویینی پنهان ائله دی،
باغریمی غنچه کیمی محنت ایله قان ائله دی.
مندن اولفت کسیبن باخدی رقیبین سؤزونه،
تیغ بیداد چکیب قصد دل و جان ائله دی.
بیر نگاه ایله من اولدوم گؤزونون بیماری،
منی درد ایله قویوب اؤزگه یه درمان ائله دی.
نه دئیم من کی، نلر قیلدی منه هجرانی،
دئمک اولماز او جفا کیم، منه هجران ائله دی.
کؤنول امید وفا ایله اسیر اولموش ایدی،
جورایله خانۀ امیدیمی ویران ائله دی.
نه فراقینه اولور صبر، نه وصلی مقدور،
نئیلییم، چاره ندیر کیم، منی حیران ائله دی.
دون گئجه تنگه گلیب یارایله گفتار ائتدیم،
تا کی فرصت تاپیبان درد دل اظهار ائتدیم.