چونکی بی غم اؤزومو، اول گولو غمگین گؤردوم

سوزش داغ دلیم اولدو چو اول خط دن کم،
بی تکلف خطی داغ دله اولدو مرهم.
اندک اندک آزالیب سینه ده سوز عشقیم،
رفته رفته دل غم پروریم اولدو خرم.
گرچی اول شیفته حال اولدو پریشان خاطر،
لیک جانیم اولوب آسوده، دل اولدو بی غم.
دیل کی، محروم ایدی عیش و طرب عالمدن،
تا حریم حرم عشرته اولدو محرم.
جان و تن اولموش ایدی ذوق جاهاندان غافل،
تازه دن اولدولا مشغول صفای عالم.
الم عشرتینی کؤنلوم اوجالتدی فلکه،
یئتدی افلاکه باشیم، رفع اولوب درد و الم.
چونکی بی غم اؤزومو، اول گولو غمگین گؤردوم،
ائتمدیم صبر، گئدیب یانینا حالین سوردوم.