عاقیل، گل بری، گل بری،
گیر کؤنوله نظر ائیله.
گؤرور گؤز، ائشیدیر قولاق،
سؤیلر دیله نظر ائیله.
باشدیر گؤودهیی گؤتورن،
آیاق منزیله یئتیرن،
دۆرلو مصلحت بیتیرن
ایکی اله نظر ائیله.
صوفی ایسن، آلیب ساتما،
هیلالینا حارام قاتما،
یولون ایریسینه گئتمه،
دوغرو یولا نظر ائیله.
ایکی الین قؽزیل قاندا،
چوخ گۆناهلار واردیر منده،
یا الهی، کرم سنده،
دۆشگون قولا نظر ائیله.
خطایی آیدیر: – یا غنی،
وئرن مؤلا آلیر جانی،
اوّل کندی-کندین تانی،
سونرا ائله نظر ائیله.