منو
حۆسن-رۆخسارین کیم، اولدو جان و دیل حئیران آنا
حۆسن-رۆخسارین کیم، اولدو جان و دیل حئیران آنا،
وعده‌ی-دؤور-قمرنی تاپشیریر دؤران آنا.
چۆن سنین حۆسنون میثال-یوسیف-کنعانیدور،
یۆزینی هر کیم کی، گؤرمز، یوخدورور ایمان آنا.
آتش-عشقینده، ائی خون‌خواره گؤزلو دیلبریم،
ائیله یانمیشدیر بو باغریم، یوخدورور درمان آنا.
گۆل یاناغین، دیلبرا، بس تازه‌تردیر هر زامان،
قانلی یاشیمدان تؤکر هر دم گؤزوم باران آنا.
ظۆلمت-زۆلفینده کؤنلو بو خطایی خسته‌نین
خؽضرا بنزر کیم، گؤرونمز چئشمه‌ی-حئیوان آنا.