شعردن قیمتلی ثروت اولماسین
دوستلار، دئییرم کی، هر تزه ایلده
حالال سۆفرهمیزده غئیبت اولماسین.
وطندن دانیشاق، ائلدن دانیشاق،
گرکسیز، معناسیز صؤحبت اولماسین.
هامییا، هامییا آنادیر وطن.
کؤنول، جاندان باغلان وطنینه سن،
ائلده عۆنوانینا نیفرت اولماسین.
دؤشونو قاز کیمی قاباغا وئرن،
یئرینی هر یئرده لاپ باشدا گؤرن،
آتینی گاه ساغا، گاه سولا سۆرن
من-من دئینلره حؤرمت اولماسین.
وطندیر قول-قاناد هر صنعتکارا،
شاعیرم دئمهسین هر اۆزوقارا.
چالیشاق اونلاردا نشریاتلارا،
هۆجوملار ائتمگه جۆرأت اولماسین.
آنامیز وطنچین وورماسا اۆرک،
حارام اولسون منه یئدیگیم چؤرک!
وطنینی سئون شاعیرچین گرک
ویجداندان دَیرلی ثروت