منو
سن دئییل‌می‌دین؟
بیر زامانلار اؤز یوردوندا آزاد یاشایان
ائل باغیندان گۆللر درن سن دئییل‌می‌دین؟
کؤنوللره قالسین دئیه خاطیره، نیشان،
قارداشینا پای گؤندرن سن دئییل‌می‌دین؟!
آزادلیغین بایراغینی اۆرکدن اؤپن،
آلنیندانسا تورپاقلارا اینجیلر سپن،
وجده گلیب بۆلبول کیمی ماهنیلار اؤتن،
اؤزو اکیب، اؤزو بیچن سن دئییل‌می‌دین،
حاق یولوندا جاندان کئچن سن دئییل‌می‌دین؟!
سۆکانینی مؤحکم توتان عۆمّان ایچینده،
قراریم دگیشمه‌ین توفان ایچینده،
سۆنگولرین آراسیندا آل قان ایچینده،
اوردولارا غالیب گلن سن دئییل‌می‌دین،
شنلیکلرده دئییب-گۆلن سن دئییل‌می‌دین؟!
اۆرکلره دایاق اولوب اؤز نغمه‌سیله،
حاقسیزلیغا جاواب وئرن حاقین سسیله،
چاغیریلمامیش قوناقلاری بیر نره‌سیله
اوزاقلارا قووان اوغول سن دئییل‌می‌دین،
گؤزلرینی اووان اوغول سن دئییل‌می‌دین؟!
ستّارخانین بایراغینی قلبیندن آسان،
میلّتی‌نین شؤهرتینی گۆنشه یازان،
الی‌قانلی جلّادلارین قبرینی قازان
آغ گۆنلری سلاملایان سن دئییل‌می‌دین،
آننی‌آچیق او قهرمان سن دئییل‌می‌دین؟!
سؽناق گۆنو گؤرمه‌میشم من سنی گئنده،
یادائل‌لیلر اۆزرینه هۆجوم چکنده،
فۆرصت تاپیب اود ووراندا شهره، کنده
قول چؽرماییب قؽلینج ووران سن دئییل‌می‌دین؟!
سنگرینده مؤحکم دوران سن دئییل‌می‌دین؟!
وطن اوغلو وطنینی دۆشونسه بیر آز،
گۆلله‌لرین قاباغینا گۆل‌لرله چؽخماز.
گئتسین دئیه کؤنوللردن بو ماتم، بو یاس،
سون قرارا گلک دئین سن دئییل‌می‌دین،
لازیم گلسه اؤلک دئین سن دئییل‌می‌دین؟!
ایندی نیه سسین گلمیر، هارداسان، هاردا،
دئییرم کی، بلکه یئنه دارداسان، داردا.
بلکه قولون گۆجدن دۆشوب، حالین یاماندیر.
بلکه یئنه داغلاری‌نین باشی دوماندیر،
بلکه یئنه زیندانلارا آتیبلار سنی،
سسین گلسین، قویما، قارداش، نیگاران منی!
ائل باغیندان گۆللر درن سن دئییل‌می‌دین؟
کؤنوللره قالسین دئیه خاطیره، نیشان،
قارداشینا پای گؤندرن سن دئییل‌می‌دین؟!
آزادلیغین بایراغینی اۆرکدن اؤپن،
آلنیندانسا تورپاقلارا اینجیلر سپن،
وجده گلیب بۆلبول کیمی ماهنیلار اؤتن،
اؤزو اکیب، اؤزو بیچن سن دئییل‌می‌دین،
حاق یولوندا جاندان کئچن سن دئییل‌می‌دین؟!
سۆکانینی مؤحکم توتان عۆمّان ایچینده،
قراریم دگیشمه‌ین توفان ایچینده،
سۆنگولرین آراسیندا آل قان ایچینده،
اوردولارا غالیب گلن سن دئییل‌می‌دین،
شنلیکلرده دئییب-گۆلن سن دئییل‌می‌دین؟!
اۆرکلره دایاق اولوب اؤز نغمه‌سیله،
حاقسیزلیغا جاواب وئرن حاقین سسیله،
چاغیریلمامیش قوناقلاری بیر نره‌سیله
اوزاقلارا قووان اوغول سن دئییل‌می‌دین،
گؤزلرینی اووان اوغول سن دئییل‌می‌دین؟!
ستّارخانین بایراغینی قلبیندن آسان،
میلّتی‌نین شؤهرتینی گۆنشه یازان،
الی‌قانلی جلّادلارین قبرینی قازان
آغ گۆنلری سلاملایان سن دئییل‌می‌دین،
آننی‌آچیق او قهرمان سن دئییل‌می‌دین؟!
سؽناق گۆنو گؤرمه‌میشم من سنی گئنده،
یادائل‌لیلر اۆزرینه هۆجوم چکنده،
فۆرصت تاپیب اود ووراندا شهره، کنده
قول چؽرماییب قؽلینج ووران سن دئییل‌می‌دین؟!
سنگرینده مؤحکم دوران سن دئییل‌می‌دین؟!
وطن اوغلو وطنینی دۆشونسه بیر آز،
گۆلله‌لرین قاباغینا گۆل‌لرله چؽخماز.
گئتسین دئیه کؤنوللردن بو ماتم، بو یاس،
سون قرارا گلک دئین سن دئییل‌می‌دین،
لازیم گلسه اؤلک دئین سن دئییل‌می‌دین؟!
ایندی نیه سسین گلمیر، هارداسان، هاردا،
دئییرم کی، بلکه یئنه دارداسان، داردا.
بلکه قولون گۆجدن دۆشوب، حالین یاماندیر.
بلکه یئنه داغلاری‌نین باشی دوماندیر،
بلکه یئنه زیندانلارا آتیبلار سنی،
سسین گلسین، قویما، قارداش، نیگاران منی!