تبریزیمین بیتمهییب، هئیهات، قانلی گۆنلری،
سونسوز آهلی، فریادلی، هیجانلی گۆنلری.
بیر زامان یئر اۆزونده چوخ یاخشی بیلیر ائللر،
شؤهرتدی تاریخلره اولو، شانلی گۆنلری.
بو گۆن ده اوّلکیتک نغمهلرده سسلنیر
باقیرخانلی گۆنلری، ستّارخانلی گۆنلری.
گؤز آغریییر گؤرنده شاعیرلر وطنینده
بو قصّابلی گۆنلری، بو قوربانلی گۆنلری.
افسوس، باشدا اوتوران عقرب یووالی باشلار
آزادلیق آدلاندیریر بو زیندانلی گۆنلری.
یوخ، بئله گئتمهیجک خالق عؤمروندن سیلهجک.
بو دهشتلی گۆنلری، بو توفانلی گۆنلری.
یاز، سلیمان، دورما، یاز، قوی وار اولسون تبریزین
شهریارلی گۆنلری، سلیمانلی گۆنلری.