منو
خسته ذاکیر کیمی هانی
جفا چکدیم، باغ یئتیردیم،
گولشنی خاره تاپشیردیم.
بونجا فکر و خیال ائتدیم،
تاپمادیم چاره، تاپشیردیم.
اؤلسم قویون، سیزی تاری،
یؤنومو دلبره ساری.
اؤزوم اؤز الیمله یاری،
بو گون اغیاره تاپشیردیم.
نه قدر ائیله‌دیم منت،
وصلینه وئرمه‌دی فرصت،
لاعلاج اولوب، عاقیبت،
گنجی شهماره تاپشیردیم.
قالدیم مثال پروانه،
عشق اودونا یانه-یانه،
جانی گؤندردیم جانانه،
دیلی دیلداره تاپشیردیم.
خسته ذاکیر کیمی هانی
کؤنلو اولان غم مکانی؟
من اؤلدوم، آه و افغانی،
بولبول زاره تاپشیردیم.