بی رنج نه ممکن دور اولا گنج مویسسر

قصدین بودو گر خاطر بیچاره داغیلسین،
بیر شانه چک اول طورۀ طراره داغیلسین.
وئر زیب رخ آلما، چیخ خانه دن، ای مه،
مه دالدالانیب، انجوم و سیّاره داغیلسین.
تنها دیل محضونه حقیقتده جفا دیر،
بیر پاره اوخوندان دئ تن زاره داغیلسین.
آچمیش بو گون اول سرو سهی تحفۀ حسنون،
خدّام لری مژدۀ بیماره داغیلسین.
بیر لحظه او بی رحمه نهان شرح غمیم وار،
آللاهی سئورسیز، دئیین اغیاره داغیلسین.
وهمیم بودو، یول وئرمه یه‌لر لخت جگردن،
تقسیم ائله ییم، هر ایته بیر پاره داغیلسین.
گؤز مردمی مشق خط حسنون هوس ائیلر،
ای چشم، بو لوحونده اولان قاره داغیلسین.
بی رنج نه ممکن دور اولا گنج مویسسر،
ذاکیر، دم افسون اوخو شهماره، داغیلسین.