مطلقا اول مه بی مهره دخی میل ائتمز

یوخدو بو بزمده گرچی ستم یاری گؤرن،
ائیله بیلسین کی، گؤروب دیدۀ خونباری گؤرن.
مونجا کیم ظلم ائدر، انصاف و مروت آخر،
سالاجاقدیرمی اونون کؤنلونه بیر تاری، گؤرن؟
خسته دیللر نه چکیر بستر محنتده، بیلیر،
نرگس مسته باخان، قرازۀ خونخواری گؤرن.
عاشیقین حالی پریشانو تباه اولدوغونو،
فهم ائدر زلف پریشان و سیهکاری گؤرن.
توتا گر یوسف گمگشته نبات مصری،
ائیله مز میل لب لعل شکرباری گؤرن.
یانار احوالینا نونصفت شانه لرین،
پیچ-تابو گیره طورۀ طواری گؤرن.
مطلقا اول مه بی مهره دخی میل ائتمز،
کنج غربتده گلیب ذاکیر بیماری گؤرن.