ذاکیرم، اود توتوب، آلیشیب جگر

بیر ساعت هاوادا قاناد ساخلایین،
نظام ایله گئدن قوشا دورنالار!
قاطارلانیب نه دیاردان گلیرسیز،
قاققیلداشا-قاققیلداشا، دورنالار؟

من سئومیشم اونون آلا گؤزونو،
نصیب اولا بیر دم گؤرم اوزونو؛
یوخسا دانیشیرسیز دلبر سؤزونو،
وئریبسینیز نه باش-باشا، دورنالار؟!

۵٧
دیار غربتده مدتدی وارام،
گئجه-گوندوز جانان دئییب آغلارام؛
من ده سیزین کیمی غریب و زارام،
ائیله‌مه ین مندن هاشا، دورنالار!

لاچین یاتاغیدی بعضینی مکانلار،
یاواش-یاواش گئدین، سسینیز آنلار،
قورخورام توخونا اؤتن زامانلار،
سوربه نیز داغیلیب چاشا، دورنالار!

ذاکیرم، اود توتوب، آلیشیب جگر،
وار ایسه جاناندان سیزده بیر خبر،
تغافول ائتمه یین، آللاهی سئور،
دؤنمه سین باغرینیز داشا، دورنالار!