ذاکیر، اعتباری یوخدو دنیانین

یار دئمیشدی: گلن بایراما گللم،
عؤمور باشا یئتدی ایل آراسیندا.
توتوب سر زلفون، دؤنوب باشینا،
شانه تک گزه سن تئل آراسیندا.

قایداسیدیر، قارا چارقات بورونور،
سیاه زلفون اوجو یئمن سورونور.
نه گؤیچک یاراشیر، نه خوش گؤرونور
مینا، اینجی کمر بئل آراسیندا.

گؤزومون یاشینا غرق اولدو تنیم،
بو حال ایله ایشیم مشکل دور منیم.
سندن آیریلاندان، ای گول بدنیم،
حق بیلیر، قالمیشام سئل آراسیندا.

پیرانه سر کؤنول هر کیمه یئتر،
اوشاق طبیعت دیر، گؤردوگون ایستر.
اونون سؤزلرینه قاتیشما، دلبر،
دلی یولا گئدر ائل آراسیندا.

ذاکیر، اعتباری یوخدو دنیانین،
آلدانما خیرینه، شرینه آنین.
قویگیلن باشینی بیاز پستانین،
جان وئر شیرین-شیرین، اؤل آراسیندا.