نهان اولان غمینی فاش قیلدی مردم اوچون

پوزولدو رونق گول، قدر گولوستان گئتدی،
سارالدی گوللری، ال چکدی باغیبان گئتدی.

دوروبدو سرو، اگر، باغین ایچره موستهکم،
دریغ، سرو روان گئتدی، الامان، گئتدی.

نه قویدو دهرده بیر کام آلوب مرادا یئتم،
نه آلدی جانیمی قورتاردی، جان ستان گئتدی.

چمنده لال گلیب گئتدی دهزبان سوسن،
کی، چشم نرگس مست اولدو خونفشان، گئتدی.

نه قویدو خار کی، گول عندلیبه میل ائتسین،
نه عندلیب اؤز عهدینده کامیران گئتدی.

دؤنوب او الیف قدی داله بیر گول هجرینده،
دریغ، بولبول اولوب پیر، او نوجاوان گئتدی.

نهان اولان غمینی فاش قیلدی مردم اوچون،
کمینه، درد دلین اولدو داستان گئتدی.