فاطما خانیم کمینه

فاطما خانیم کمینه
١٣-جو عصرین آذربایجان ادبیاتینین تانینمیش نماینده لریندن اولان فاطما خانیم کمینه ١٢٢٠-جی ایلده شوشادا ضیالی عائله سینده آنادان اولموشدور. او، «فانی» تخلصو ایله شعرلر یازان آغا میرزه بیبابانین قیزیدیر. دؤورونه گؤره یاخشی تحصیل آلمیش، آنا دیلی ایله یاناشی فارس دیلینیده مکمل اؤیرنمیشدیر. قاراباغین ساراجیق کندیندن اولان صادیق بی میر زینال اوغلونا اره گئتمیش، بئش اولاد دنیایا گتیرمیشدیر. عمرونون سونلاریندا ایفلیج خسته لیگینه توتولموش و ١٢٧٧-جی ایلده شوشادا وفات ائتمیشدیر.
کمینه شعرلرینی آذربایجان و فارس دیللرینده یازمشدیر. محمد آغا مجتهدزاده «ریاض العاشیقین» کتابیندا اونون بؤیوک دیوانی اولدوغونو و بو دیوانی شخصاً گؤردوگونو یازیر. آنجاق همین دیوان بو گون الده یوخدور. سایرین مختلف جونگلرده و الیازما کتابلاریندا قورونوب ساخلانان اثرلرینی عزیزا جعفرزاده توپلایاراق ١٣۵٠-جی ایلده «گنجلیک» نشریاتیندا چاپ ائتدیرمیشدیر. بورا داکی شعرلر همین کتاب دان گؤتورولموشدور.