منو
یاندیردی عشقین باغریمی، سن‌دن مانا درمان گرک
یاندیردی عشقین باغریمی، سن‌دن مانا درمان گرک،
گرچی یولون‌دا عاشقین جانو دیلی سوزان گرک.
دۆشدوم یئنه عشق اودونا، بۆریان یۆرک، گیریان گؤزوم،
هر کیم کی، دۆش‌دو عشقینه، بۆریانو هم گیریان گرک.
سون ساقییا، کاسن رهیق، چال مۆطریبا، عشق ازگوسون
کیم، مست اولان بو باده‌دن غلتانو هم حیران گرک.
قالو بلاده جان سانا قؽلمیش‌دی ایقرار، ائی صنم،
اؽمدی آرامیزدا بیزیم شول عهدو شول پئیمان گرک.
شؤوقن ترانی سیررینی من سؤیلییدیم، نئیلییم،
محرم بو طورین سیرینه موسا ابن اؽمران گرک.
هر کیم وۆجودو شهرینی گزدیوو گؤردو شهنه‌سیز،
یارغو آنین‌دیر، ائی صنم، اول صاحبی-دیوان گرک.
کؤنلوم قوشو اسفل‌ده‌دیر، وقت اولدو پرواز ائیله‌یه،
سیمورغی-قافه قۆرب اولان عرش اۆستونه جؤولان گرک.
من قول اولانین قولویام، آلتون اولانین پولویام،
هر کیم بو یول‌دا قولدورور عالم‌ده اول سلطان گرک.
گؤرست اۆزونو بیر کره، تا کیم، نسیمی جان وئره،
چۆن عیدی-اکبردیر اۆزو، یۆز جان اونا قوربان گرک.