شول لبی شیرینه، یارب، گر شکر دئرسم، نولا؟

شول لبی شیرینه، یارب، گر شکر دئرسم، نولا؟
شول گۆنش طلعتلی آیه گر قمر دئرسم، نولا؟

آدمی نؤعینده میثلین گؤرمه‌دی دؤوری-فلک،
شول جهتدن گر سانا خیرالبشر دئرسم، نولا؟

شول گۆل اۆزره داغیلان عنبر صیفتلی سۆنبوله،
عنبرین رئیحان، عجب، یا میشکی-تر دئرسم، نولا؟

بیلمه‌ین عشقین طریقین هر خبرسیز غافیله،
چۆن هیدایت بولمامیش، گر بی‌خبر دئرسم، نولا؟

سنسیز، ائی جانی-جاهان، بیر پولا دیمز کاینات،
هئچه دیمز نسنه‌یه گر شول قدر دئرسم، نولا؟

گر اۆزون آیین گؤرنه، ائی جاهانین فیتنه‌سی،
شۆبهه‌سیز حقی گؤرن صاحیب-نظر دئرسم، نولا؟

کیم کی، حقی پرده‌سیز اۆزونده، ائی جان، گؤرمه‌دی،
بی‌بصیرتدیر، گر آنا بی‌بصر دئرسم، نولا؟

زۆلف و رۆخساریندیر، ائی جان، سوره‌یی-نور و دۆخان،
گر بو معنیدن آنا شام و سحر دئرسم، نولا؟

نوری-ایماندیر جمالین – کیم کی، صدّقنا دئمز،
کافیر و مۆشریکدیر آنا دیو اگر دئرسم، نولا؟

چۆن نسیمی‌نین مقامی قاف ایمیش عنقا میثال،
شول معلّی‌قدره گر آری گؤهر دئرسم، نولا؟