خدا سنی!

ائتدی فلک جفا ایله مندن جدا سنی
قیلدی رقیب بد صفته آشنا سنی
جکدیم جفا و جؤرونو، ای مه، زمانه ده
ساندیم خیالِ خام ایله اهلِ وفا سنی
هر صبح و شام سائل کویوندور عاشیقین
حاتم کیمی چو بیلمیشم اهلِ سخا سنی
اوزدون وصالدن، الیمی ترک لطف ائدیب
ای مه، بو نوع بیلمزایدیم بیوفا سنی
اولدوم مریض، عشق ایله، حالیمی سورمادین
قیلسین دوچار من کیمی درده خدا سنی
سوردوم علاجیم، ای بوتِ زیبا، طبیب دن
یازدی بو دردِ عشقه معالج دوا سنی
بو واحدِ فقیره، گؤزل، ائیله التفات
روحوم، حیاتدا بیرجه بلیب دیر شفا سنی