عم اوغلونون محبتی

ائل بیلیر، تانییر کیم اولدوغومو
هانسی عائله ده دوغولدوغومو
رایوندا مشهورم، سوزون دوغروسو
آدیما سؤیله نیر:((دانا اوغروسو))
خالقی فیریلداقلا چوخ آلداتمیشام
بئش ایل ده حبسده کئدیب یاتمیشام
دوز ایشیم اولماییب عؤمروم اؤزونو
توولاییب آلمیشم عمیم قیزینی
اوزاوللی قیزا قوُردوم بیر تله
اونو ایناندیردیم، گتیردیم اله
یازیق نه توی گؤردو، نه رسمی کبین
مندن سوراشاندا بونون سببین
عوضینده گؤردو یومروق، شاپالاق
همیشه دؤیولوب ائودن قووولماق
اونونلا گیرمه ره م بیرده سازیشه
چونکی گئتمک ایستر کولخوزدا ایشه
اونو بو کلکله سؤیوب قوولادیم
((سنیله کی یوخدور کبینیم زادیم؟))
یالان محبّتله آلمیشام اونو
بودا او سئوگی نین، او عشقین سونو
سککیز آیلیق بیر اوغلوم وار، تاماشا
عمیم قیزین کیمسه سالیبدیر باشا
دئییر: گرک اوشاغا خرج وئره سن
گرکمزکی، اوشاغی بیر گؤره سن ؟!
منده یوخدور آتالیق محبتی
یاشامیشام یارپاق آلتی، خلوتی