آذربایجان اوخوسون!

اوخو، ای بولبولِ شیدا، گول خندان اوخوسون
گؤرسون اؤز عاشیقینی، شور ایله جانان اوخوسون
بو گؤزل لهجه ن ایله عالمه گوستر اؤزونو
اؤزگه نی قویما موغاماتینا داستان اوخوسون
وطنین بولبولِ شیدالارینی شورا گتیر
اوخو بیر نغمه، بوتون آذربایجان اوخوسون
موسیقی صنعتینی آذربایجان یارادیب
قوی بو تاریخی حقیقتلری تهران اوخوسون
لحنِ داوودی بیزیم خلقیمیز ایجاد ائله‌ییب
بؤیله ایجادی گرک یاخشی غزلخوان اوخوسون
قاراباغدیر بیزیم اؤز اؤلکه میزین شیرازی
اؤز موغاماتینی لازیمدی هر انسان اوخوسون
عصرلرله یاشاسین موسیقی خادیملریمیز
قوی ائشیتسین بوسؤزو مصطفی پایان اوخوسون
تبریزین نغمه سینی خلق یاراتمیش، واحد
قوی دئسین فیکریمه احسن بوتون عرفان اوخوسون