سئویرم وطنی!

اوره گیمده او قدر سئوگی واریمدیر وطنه
نئجه کی، بولبولِ شیدا اولور عاشیق چمنه
ایندی فرهادی گره کدیر من اولایدیم بو گولون
چونکی من عاشیقیم هر خسروِ شیرین سخنه
گر زولیخاده وفا اولسا ایدی عالمده
جؤرلر قیلماز ایدی یوسفِ گول پیرهنه
قان اولور لاله کیمی عشقده عاشیق قلبی
هر باخان لحظه ده بیر دلبرِ غنجه دهنه
ای کؤنول، قان اولاسان، عشقه منی سن سالدون
سندن اولودو، او پریچهره جفا قیلدی منه
تکی، ای گول، سنه، فخر ائیله کی، عاشیق من اولدوم
یوخسا اسکیلمرم هر دلبرِ نازک بدنه
نولا، واحد، آزاجیق ساکیت اولا مجلیسیمیز
((شور)) دستگاهینی بیز خواهش ائدک تارزنه