دیوانه‌لر ین کمندی!

اوقارا زولف که هر دم دولاشیر شانه لره
کؤستریر عشق کمندین دلِ دیوانه لره
مهرِ روخسارینی مندن کسیب اول ماه تامام
دوشدو فرصت یئنه بوندان بئله بیگانه لره
یوخسا، ای گول بوقدر بادهٔ ناب ایچمه زایدیم
شؤقِ لعلین منی جلب ائیله‌دی میخانه لره
قانا دؤنسون، گؤروم، اول بادهٔ گولگون سنسیز
بیرده، گر رغبت ائدیم ساغر و پیمانه لره
حسرتِ چشمِ خمارین، لبِ لعلین هوسی
گؤستریرگوشهٔ میخانه نی مستانه لره
شؤقِ روخسارین ایله اودلارا یانمش کؤنلوم
اؤیره دیب شمعده یانماقلیغی پروانه لره
جؤرین آز ائت منه، قورخوم بودو، بیرآه چکیم
بیریانار اود دوشه باشدان باشا کاشانه لره
واحدم، شاعیر آزاده پرستم، نه غمیم!
قیلماسام رغبت ا گر مسجیده، بوتخانه لره