واقف معنا!

اول دئییل عاشیق کی، من تک عشقده روسوا دئییل
روز و شب مجنون اولوب سر گشتهٔ صحرا دئییل
زاهیدِ نادان نه بیلسن غنچه آغزین سیری ّنی
سیرِّ حقی بیلمز اول کیم، واقفِ معنا دئییل
بحث ائدر هر گون اوزونله گون، نه نسبت وار سنه
عاریضینده نورِ حق سن تک اونون پیدا دئییل
آتشِ آهیم یئتیرمه گؤیلره، ای مه، ساقین
کیم گلیر بیر گون دمی، تاثیر ائدیر، بیجا دئییل
عشق ذؤقون بیلمه ین کس دؤلتِ دونیا سئور
اول کی، عشق ایستر همیشه، طالبِ دونیا دئییل
پایبند ائتمیش منی زنجیرِ زولفه اول پری
من کیمی مجنون اسیری، طرهٔ لیلا دئییل
واحدی بیلمه وفاسیز عشقده، ای بیوفا
اولماییب دیر اول رقیبه آشنا، ادنا دئییل