منو
سایدیم ستاره نی!
اولدوم جنون گؤرجه گین اول زولفو قاره نی
سایدیم صباحه تک گؤی اوزونده ستاره نی
بیر یاره ووردو سینه مه تیغِ قاشیله کیم
مشکل ساغالدا، گلسه ارسطو، بو یاره نی
ای دردِ عشقه چاره ایله حکم ائدن طبیب
تدبیرین اولسا، بو مرضه ائیله چاره نی
تؤ کدو او یار صفحهٔ روخساره زولفونو
ائتدی غروب، گؤرمه‌دیم اول ماهپاره نی
احسن، سریرِ حُسنده اول قاره خالووا
بیر تک دولاندیریر بو قدر گنج ایراده نی
پنهان اولاندا چشمدن اول یار سیمتن
بیر اودلو آه ایلن یاخارام هر کناره نی
بیر ذرّه کسسه مهرینی مندن اول ماه ا گر
آهیم اودویلا چرخه یئترره م شراره نی
واحد، ا گر چی یار کسه سندن الفتین
سن جهد قیل کی، دلبرین وورما آره نی