منو
واحدین نذری!
اولسا هر کیم، سئوگیلیم، حُسن جمالین قایلی
اولماز عالمده، اینان گولزارِ جنّت مایلی
ایندی کی، رعنا گؤزللر جان آلیرمیش نازایله
بیلمیرم، تانریم نئچین خلق ائیله‌میش عزرائیلی؟
توتدو اول زلفِ پریشان دؤورِ رویین یاریمین
سان بولود اولموش فلکده تازه آیین حایلی
جنّتِ اعلانی سئومز، حور و قیلمان ایسته مز
بو پریلر عشقینین هر کس کی، اولسا نایلی
مندن اکراه ائیله‌مه، وصلین تمنا ائیله سم
پادشاهیم رحم قیل، قووما قاپیندان سایلی
مستِ مئی گؤردوکده زاهید طعن ائدیر عاشیقلره
فاعلِ مختار اولان هر کارین اولموش فاعلی
کویِ جاناندا یئنه نذر ائتدی واحد جانینی
سانِ مینا داغینا چکمیشدی خلیل اسماعیلی