افغانیمیزین!

اولسا ایدی اثری نالهٔ افغانیمیزین
یئنه بیر رحمی گلردی بیزه جانانیمیزین
آغلاریق صبح آچلینجا گئجه‌لر کوُیوندا
اوزو گولسون بیزه، بلکه، مهِ تابانیمیزین
بیزه هیجران گونو ظلمت گئجه گوندوز کیمی دیر
ائیله رؤشندی چیراغی دلِ سوزانیمیزین
نازنین حوری لقالر بورویوب دونیانی
بوندان آرتیق نه یی وار روضهٔ رضوانیمیزین؟
خمِ ابرولرین اوخشاتدیق هلاله او مهین
قدر و قابل دئییل عالمده بو نقصانیمیزین(١)
چکدیک، افسوس، عبث زولفو سیاه لار فیکرین
سببی بیرده بودور حالِ پریشانیمیزین
بو تفاخر منه، واحد، یئتر اؤلسمده ا گر
منده بیر شاعرییم آذرباجانیمیزین

١مصرع بو شکلیده ده قئید اولموشدور:
عذری مقبول دئییل عالمده بو نقصانیمیزین