گوزون ده نه وار

گوزون دولوب  سوزایلن  بیلمیره م گوزون ده نه وار؟
اوزون  گورن ده  دیلیم  لال  اولور  اوزون ده نه وار؟
باخان دا  شوق ایله   شمشاد  مثلی   قامت اینه
تاپانمیرام  اوزومو  نازنین  اوزون ده   نه وار؟
آجی سوزون منه بال دان شیرین دی  بیر سوزه  گل
اوزون بویور بو معما  نه دیر؟  سوزون ده  نه وار؟
نه کوزدو  کونلومو  یاخدیقجا  داغ لی  لاله  بیته ر؟
بو شوره زاری گلستان ائده ن کوزون ده نه وار؟
عومور یازین دا  کی  کونلوم  سن ایله  یازلاندی
او یازلا  یازلانیرام  دادمیشام   کوزون ده   نه وار؟
او گون کی آیریلیقا چاره ( دوز )  دئدین هله لیک
اطاعتین ده  وار (عاصم) گوره ( دوزونده ) نه وار؟
دئمه اوزون ده، سوزون ده،  کوزون ده  اولدوغونو
گوزون دولوب سوز ایلن کاش بیله ام گوزون ده نه وار؟