گوزگو نهایت ده داش اولدو

گوردون گوزلیم  گوزگو نهایت ده داش اولدو
باشلار ایاق اولماق دا ایاق دوندو باش اولدو
گوزدن کیمی ائل آتدی  گئدیب غیره ال اولجاق
گوزدن نه فقط دوشمه دی  گوز اوسته قاش اولدو
ایل لر بویو گوددوک قورویان آرخا سوگلسین
سو گلمه‌دی آنجاق کی گولوف لرده یاش اولدو
قارداش  قاراداش دان آشاقی  بولگو  بولنده
قانلی دویوشون حان بازاریندا داداش اولدو
بیر سورمه لی گوز قالمیش ایدی پاخلا گوزون ده
گوز دگدی اوبیچاره یه  گوز چیخدی ماش اولدو
ایش دوندو چراغ سوندو سمادن قیر الندی
اول گون کی قویون قوردولا (عاصم )هاماش اولدو