هر کیمه همراه فضلالله اولا،
آنا فضلی-فئیض اول الله اولا.
هر نه کیم ائدر کیشی، ائی یول اری،
اول گرک کیم، حسبتاً للّٰه اولا.
عشقی-معشوقه قول اولان صیدق ایله
دۆنیا و عۆقبا ایچینده شاه اولا.
عاشیقین ایشی گرک شام و سحر
ویردی حسرت گؤز یاشیله آه اولا.
بو اۆفوقدن هر سیتاره کیم دوغار،
مئهری-عالم جان گؤگونده ماه اولا.
نور ایله رؤشن اولا بو کاینات
اول سعادت نجمی شمسالله اولا.
وجهی-آدمدیر صیراطی-مۆستقیم،
آنا دوغرو گئتمهین بیراه اولا.
ائتمهین سجده ملکوش آدمه
دیوی-ملعون، عاصییی-گۆمراه اولا.
اولدورور سولطان ایکی عالمده بس،
چۆن حبیبی هر کی، عبدالله اولا.